Американската компанија „Џонсон контролс“ вчера ја почна изградбата на капацитетот за навлаки за автомобилски седишта, прва фабрика што се гради во технолошко-индустриската развојна зона „Штип“. Вкупната инвестиција ќе изнесува околу 20 милиони евра, а во фабриката, во која ќе работат повеќе од 1.400 работници, треба да биде завршена и да почне со работа во септември 2011. година. Сепак, „Џонсон контролс“ со пробно и со производство од помал обем ќе почне уште кон крајот на оваа година во изнајмени простории во кругот на некогашниот текстилен комбинат „Македонка“ каде што ќе биде обучуван и раководниот кадар за фабриката. Ова ќе биде една од осумте наши фабрики во Европа, а втора во Македонија. „Џонсон контролс“, кој постои од 1885 година, има 154 илјади вработени во 200 фабрики во 150 земји во светот. Во конкуренција на уште шест европски и две африкански земји за овој капацитет, се определивме да ја градиме втората фабрика во Македонија поради нејзината добра поврзаност со земјите на ЕУ, добрата инфраструктура, постоењето индустриски зони и поволностите што ги нуди Владата.
Американската компанија „Џонсон контролс“ вчера ја почна изградбата на капацитетот за навлаки за автомобилски седишта, прва фабрика што се гради во технолошко-индустриската развојна зона „Штип“.
Вкупната инвестиција ќе изнесува околу 20 милиони евра, а во фабриката, во која ќе работат повеќе од 1.400 работници, треба да биде завршена и да почне со работа во септември 2011. година.
Сепак, „Џонсон контролс“ со пробно и со производство од помал обем ќе почне уште кон крајот на оваа година во изнајмени простории во кругот на некогашниот текстилен комбинат „Македонка“ каде што ќе биде обучуван и раководниот кадар за фабриката.
- Ова ќе биде една од осумте наши фабрики во Европа, а втора во Македонија. „Џонсон контролс“, кој постои од 1885 година, има 154 илјади вработени во 200 фабрики во 150 земји во светот. Во конкуренција на уште шест европски и две африкански земји за овој капацитет, се определивме да ја градиме втората фабрика во Македонија поради нејзината добра поврзаност со земјите на ЕУ, добрата инфраструктура, постоењето индустриски зони и поволностите што ги нуди Владата. Речиси целото производство од фабриката во Штип ќе се извезува на европскиот пазар – рече Владимир Теплик, потпретседател на операцијата „Трим“ на „Џонсон контролс“.
Вицепремиерот Владимир Пешевски нагласи дека фабриката на „Џонсон контролс“ ќе го заживее Штип, но и Источниот регион и истакна дека ќе се зголеми животниот стандард бидејќи, според неговите сознанија, „Џонсон контролс“ исплаќал повисоки плати од просечната во македонската текстилна индустрија.
- Ова е значаен момент за Македонија бидејќи првпат во нејзината понова историја една корпорација од глобален карактер по вторпат за кус период инвестира во голем капацитет. Задоволството е поголемо и што тоа се случува во услови на големи бранувања во светската економија, а довербата ни е укажана и покрај економските тектонски бранувања кај нашиот јужен сосед - рече премиерот Никола Груевски.
Новата фабрика на „Џонсон контролс“ во индустриската зона „Штип“ ќе се гради на површина од 1.500 квадратни метри, а објектот ќе има корисна површина од 12.500 квадрати.